ថ្ងៃទី១៩ ខែមករា ឆ្នាំ២០២៣ កញ្ញា ឈឹម ស៊ីថរ ប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ បានចូលសវនាការនៅសាលាដំបូងរាជធានីភ្នំពេញ ដែល កញ្ញា ស្នើសុំនៅក្រៅឃុំ ។
សវនាការថ្ងៃនេះ បញ្ចប់នៅម៉ោង១០និង១៨នាទីព្រឹក ជាលទ្ធផល ចៅក្រមបានសម្រេចមិនអនុញ្ញាតឲ្យ កញ្ញា ឈឹម ស៊ីថរ នៅក្រៅឃុំបណ្តោះអាសន្នទេ ។
ថ្ងៃនេះ មានតំណាងទូតសហរដ្ឋអាមេរិក ទូតអូស្ត្រាលី និងក្រុមអង្គការសង្គមស៊ីវិល ក្រុមកូដករក្រុមហ៊ុនណាហ្គាវើលដ៍ប្រមាណ ៧០នាក់ បានមកចូលរួមឃ្លាំមើល និងលើកទឹកចិត្តផងដែរ ។
គួរបញ្ជាក់ថា ប្រធានសហជីព កញ្ញា ឈឹម ស៊ីថរ ត្រូវបាននគរបាលអន្តោប្រវេសន៍ ឃាត់ខ្លួនក្រោយពីត្រលប់ពីប្រទេសអូសស្រ្តាលីអស់រយៈពេល ១២ថ្ងៃ នៅការិយាល័យអន្តោប្រវេសន៍ និងបានបញ្ចូនទៅកាន់សាលាដំបូងរាជធានីភ្នំពេញ ដោយមូលហេតុ កញ្ញា ស៊ីថរ បានល្មើសបម្រាមដែលតុលាការដាក់ស្ថិតក្រោមការត្រួតពិនិត្យ ហាមមិនឲ្យចាកចេញក្រៅពីព្រះរាជាណាចក្រកម្ពុជា ប៉ុន្តែក្រោយពេលដោះលែង កាលពីខែមីនា ឆ្នាំ២០២២ ទាំងកញ្ញា ឈឹម ស៊ីថរ និងមេធាវីកញ្ញា មិនបានជូនដំណឹងពីការដាក់ឱ្យស្ថិតក្រោមការត្រួតពិនិត្យតាមផ្លូវតុលាការនោះទេ ៕
#ADHOC #NagaWorld #សិទ្ធិការងារ #កូដកម្ម #វិវាទការងារ
