Sim Sopheak – Page 17 – ADHOC Cambodia

សាលាដំបូងខេត្តកោះកុងសម្រេចឃុំខ្លួនប្រជាពលរដ្ឋ៩រូប

July 1, 2023កក្កដា 1, 2023 - by Sim Sopheak

សាលាដំបូងខេត្តកោះកុងសម្រេចឃុំខ្លួនប្រជាពលរដ្ឋ៩រូប សាលាដំបូងខេត្តកោះកុង នារសៀលថ្ងៃទី៣០ ខែមិថុនា ឆ្នាំ២០២៣ ម្សិលមិញនេះ បានសម្រេចឃុំខ្លួនបណ្តោះអាសន្នប្រជាពលរដ្ឋ៩រូប ក្នុងនោះស្ត្រីម្នាក់មានកូនតាមម្តាយមួយរូបទៅពន្ធនាគារខេត្តកោះកុង ខណៈដែលដោះលែងស្ត្រីមួយរូបតាមសំណើរសុំនៅក្រៅឃុំដោយមានកូនតូចនៅតាមម្តាយ ដោយដាក់ឲ្យស្ថិតក្រោមការត្រួតពិនិត្យតាមផ្លូវតុលាការ ដោយប្រកាន់ពីបទញុះញង់ឲ្យប្រព្រឹត្តបទឧក្រឹដ្ឋជាអាទិ៍ ។ ចំណែកស្ត្រីមួយរូបទៀតដែលកំពុងជាប់ឃុំមានកូនតាមម្តាយ ដែលមិនត្រូវបានដោះលែងឲ្យក្រៅឃុំដែរនោះ គឺលោកស្រី ផាវ ញ៉ឺង ជាសកម្មដីធ្លីដ៏សកម្មម្នាក់នៅសហគមន៍១៧៥ និងកូនប្រុសតូចម្នាក់អាយុជាង០១ឆ្នាំ ដែលសហគមន៍ពួកគាត់កំពុងទាមទារសុំឲ្យអាជ្ញាធរចុះបញ្ជីបណ្ណកម្មសិទ្ធិដីធ្លីជូនពួកគាត់ ។

សេចក្តីប្រកាសព័ត៌មាន សាលាឧទ្ធរណ៍ត្បូងឃ្មុំ នឹងបើកសវនការលើករណីលោក ឆន ផល្លា សកម្មជនការពារព្រៃឈើ និងដីធ្លីខេត្តរតនគិរី

June 30, 2023 - by Sim Sopheak

សេចក្តីប្រកាសព័ត៌មាន សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា (អាដហុក) សូមជម្រាបជូនសាធារណៈជន ស្ថាប័នពាក់ព័ន្ធ អ្នកសារព័ត៌មានជាតិ អន្តរជាតិ អង្គការសង្គមស៊ីវិលជាតិ និងអន្តរជាតិ សូមជ្រាបថាៈ សាលាឧទ្ធរណ៍ត្បូងឃ្មុំ នឹងបើកសវនការលើករណីលោក ឆន ផល្លា សកម្មជនការពារព្រៃឈើ និងដីធ្លីខេត្តរតនគិរីវេលាម៉ោង៨ និង៣០នាទីព្រឹកថ្ងៃទី០៣ ខែកក្កដា ឆ្នាំ២០២៣ នៅសាលាឧទ្ធរណ៍ត្បូងឃ្មុំ ស្ថិតនៅខេត្តត្បូងឃ្មុំ បន្ទាប់ពីដាក់បណ្តឹងទៅសាលាឧទ្ធរណ៍ ដើម្បីរកយុត្តិធម៌កាលពីឆ្នាំ២០២២។

សេចក្តីថ្លែងការណ៍រួម ប្រទេសកម្ពុជា និងអ៊ីតាលី មិនគួរណែនាំការស្មុំកូនអន្តរប្រទេសទេ

June 28, 2023 - by Sim Sopheak

សេចក្តីថ្លែងការណ៍រួម ប្រទេសកម្ពុជា និងអ៊ីតាលី មិនគួរណែនាំការស្មុំកូនអន្តរប្រទេសទេ រាជធានីភ្នំពេញ ថ្ងៃពុធ ទី ២៨ ខែមិថុនា ឆ្នាំ ២០២៣ យើងខ្ញុំ ជាអង្គការសង្គមស៊ីវិល មានរាយនាមដូចខាងក្រោម សូមស្នើសុំឱ្យរាជរដ្ឋាភិបាលកម្ពុជា និងរដ្ឋាភិបាលអ៊ីតាលី បញ្ឈប់នូវការបើកស្មុំកូនអន្ដរប្រទេសឡើងវិញ ។ ប្រទេសកម្ពុជា មិនបានអនុម័តកិច្ចគាំពារ ដែលនឹងការពារអត្ថប្រយោជន៍ល្អបំផុតរបស់កុមារ ឬទប់ស្កាត់ការកើតឡើងវិញ នូវការក្លែងបន្លំ និងអំពើពុករលួយធ្ងន់ធ្ងរ ដែលបានកត់សម្គាល់នៅក្នុងការស្មុំកូនអន្តរប្រទេសដែលកើតមានពីអតីតកាល ។ ប្រទេសជាច្រើន បានហាមឃាត់ការស្មុំកូនអន្តរប្រទេសពីប្រទេសកម្ពុជាពេញមួយទសវត្សរ៍ឆ្នាំ២០០០ បន្ទាប់ពីមានភស្ដុតាងជាច្រើននៃការអនុវត្តដែលប្រាសចាកពីច្បាប់ និងគ្មានសីលធម៌ …

សេចក្តីថ្លែងការណ៍រួម ការស្នើពន្យារពេលធ្វើវិសោធនកម្មច្បាប់បោះឆ្នោត

June 26, 2023 - by Sim Sopheak

ថ្ងៃចន្ទ ៩កើត ខែបឋមាសាឍ ឆ្នាំថោះ បញ្ចស័ក ព.ស. ២៥៦៧ ភ្នំពេញ ថ្ងៃទី២៦ ខែមិថុនា ឆ្នាំ២០២៣ សេចក្តីថ្លែងការណ៍រួម ការស្នើពន្យារពេលធ្វើវិសោធនកម្មច្បាប់បោះឆ្នោត យើងខ្ញុំ ជាក្រុមអង្គការសង្គមស៊ីវិល សមាគម និងសហជីព ដូចមានរាយនាមខាងក្រោម មានកង្វល់យ៉ាង ខ្លាំងចំពោះការធ្វើវិសោធនកម្មច្បាប់បោះឆ្នោត នៅមុនការបោះឆ្នោតថ្នាក់ជាតិដែលខិតជិតចូលមកដល់ខាងមុខនេះ ។ ការធ្វើវិសោធនកម្មនេះ ធ្វើឡើងយ៉ាងប្រញាប់ប្រញាល់ និងពុំបានពិគ្រោះយោបល់ជាមួយអ្នកពាក់ព័ន្ធ រួមទាំងអង្គការសង្គមស៊ីវិលផងដែរ ដែលនេះ គឺជាការប្រាសចាកពីគន្លងប្រជាធិបតេយ្យ ដែលតម្រូវឱ្យមានការចូលមតិយោបល់ពីភាគីពាក់ព័ន្ធ …

បើកវគ្គបណ្តុះបណ្តាលស្តីពី “សុវត្ថិភាពចំណាកស្រុក និងអំពើជួញដូរមនុស្ស”

June 21, 2023 - by Sim Sopheak

សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា គម្រោងសិទិ្ធស្រ្តី និងកុមារបានរៀបចំបើកវគ្គបណ្តុះបណ្តាលស្តីពី “សុវត្ថិភាពចំណាកស្រុក និងអំពើជួញដូរមនុស្ស” កាលពីថ្ងៃទី១៤ និងថ្ងៃទី២១ ខែមិថុនា ឆ្នាំ២០២៣ ស្ថិតក្នុងឃុំស្រយ៉ង់ ស្រុកគូលែន និងភូមិកំពត់ ឃុំរហ័ស ស្រុករវៀង ខេត្តព្រះវិហារ ដោយមានអ្នកចូលរួមសរុប ៦០នាក់។ គោលបំណងនៃវគ្គបណ្តុះបណ្តាលនេះ ដើម្បីផ្តល់ចំណេះដឹងសម្រាប់សហគមន៍ស្វែងយល់ពីកិច្ចការពារអំពើជួញដូរមនុស្ស កេងប្រវ័ញ្ជកំម្លាំងពលកម្ម និងសុវត្ថិភាពចំណាកស្រុក នៅកម្ពុជា និងធ្វើយ៉ាងណាឱ្យប្រជាពលរដ្ឋមានសុខសុវត្ថិភាព។ ដើម្បីជំរុញ និងលើកទឹកចិត្តឱ្យប្រជាពលរដ្ឋសិក្សាស្វែងយល់អំពីច្បាប់ជួញដូរ ល្បិចមេខ្យល់ ការជួញដូរមនុស្ស និងការធ្វើចំណាកស្រុកយល់ដឹង និងស្វែងរកសេវាឱ្យជួយគាំទ្រ …

កម្មកររបស់ក្រុមហ៊ុន ស្តារឡៃថ៍ អឹភែរឹល មេនូហ្វឹកឆឺរីងដែលស្ថិតនៅភូមិវិហារសួគ៍ជើង ឃុំវិហារសួគ៍ ដាក់ញត្តិទៅក្រសួងការងារ

June 15, 2023 - by Sim Sopheak

ថ្ងៃទី១៥ ខែមិថុនា ឆ្នាំ២០២៣នេះវេលាម៉ោង៨និង៣០នាទី កម្មកររបស់ក្រុមហ៊ុន ស្តារឡៃថ៍ អឹភែរឹល មេនូហ្វឹកឆឺរីងដែលស្ថិតនៅភូមិវិហារសួគ៍ជើង ឃុំវិហារសួគ៍ ស្រុកខ្សាច់កណ្តាល ខេត្តកណ្តាល ប្រមាណជាង ២០០នាក់

វីដេអូខ្លីអប់រំស្តីពី “សិទ្ធិសេរីភាពបញ្ចេញមតិ”

June 13, 2023 - by Sim Sopheak

វីដេអូនេះ ផលិតដោយក្រុមការងារនៃ #សមាគមអាដហុក ក្នុងគោលបំណងផ្សព្វផ្សាយឱ្យពលរដ្ឋបានយល់ដឹងអំពី #សិទ្ធិសេរីភាពបញ្ចេញមតិ តាមរយៈវីដេអូខ្លីនេះ។

វគ្គផ្សព្វផ្សាយ ស្តីពី “ផលប៉ះប៉ះពាល់នៃការរៀបការវ័យក្មេង និងអំពើហឹង្សាផ្អែកលើយេនឌ័រ “

June 9, 2023មិថុនា 9, 2023 - by Sim Sopheak

គម្រោងការការពារ និងទប់ស្កាត់ការបង្ខំរៀបការវ័យក្មេង នៃសមាគមអាដហុក តាមរយៈភ្នាក់ងារជំនួយអាមេរិក USAID ប្រចាំនៅកម្ពុជា នៅថ្ងៃទី៨ ខែមិថុនា ឆ្នាំ២០២៣នេះ បានរៀបចំបើកវគ្គផ្សព្វផ្សាយ ស្តីពី “ផលប៉ះប៉ះពាល់នៃការរៀបការវ័យក្មេង និងអំពើហឹង្សាផ្អែកលើយេនឌ័រ ” ស្ថិតក្នុងភូមិធួយទុំ ឃុំចាអ៊ុង ស្រុកអូរជុំ ខេត្តរតនគិរី ។ វគ្គនេះដែរ មានអ្នកចូលរួមចំនួន ៥៩នាក់ ក្នុងនោះស្រ្តី ៣០នាក់ មានទាំងសិស្សសាលា និងអាណាព្យាបាល ក្នុងគោលបំណងឱ្យប្រជាពលរដ្ឋសហគមន៍ ជាពិសេសយុវវ័យ យល់ដឹងពីផលវិបាកនៃការឆាប់មានដៃគូរ

ពលរដ្ឋរងគ្រោះដីធ្លីប្រមាណ ១០០នាក់ ប្រមូលផ្តុំគ្នានៅមុខសាលាខេត្តកណ្តាល ដើម្បីតាមដានញត្តិរបស់ពួកគាត់

June 7, 2023មិថុនា 7, 2023 - by Sim Sopheak

ការប្រមូលផ្តុំនេះ ធ្វើឡើងនាព្រឹកថ្ងៃទី៧ ខែមិថុនា ឆ្នាំ២០២៣ ដោយមានប្រជាពលរដ្ឋមកពីទំនប់៩៤ ភូមិអំពៅព្រៃ ភូមិស្វាយព្រៃ និងភូមិជ្រៃរយោង ឃុំកណ្តោក ស្រុកកណ្តាលស្ទឹង ខេត្តកណ្តាល និងភូមិអាចម៍កុក សង្កាត់កំពង់សំណាញ់ ក្រុងតាខ្មៅ ខេត្តកណ្តាល ក្នុងបំណងតាមដានញត្តិដែលពួកគាត់បានដាក់ កាលពីថ្ងៃទី២៤ ខែមេសា ឆ្នាំ២០២៣ ដោយស្នើសុំឲ្យឯកឧត្តម គង់ សោភ័ណ្ឌ អភិបាលខេត្តកណ្តាល ជួយកាត់ឆ្វៀលដីប្រជាពលរដ្ឋចេញពីការអភិវឌ្ឍន៍របស់គម្រោងអាកាសយាន្តដ្ឋានអន្តរជាតិតេជោ (ព្រលានយន្តហោះថ្មី) និងជួយផ្តល់ប័ណ្ណកម្មសិទ្ធិដីធ្លី។

សូមធានាសិទ្ធិបោះឆ្នោត និងសិទ្ធិឈរឈ្មោះឱ្យគេបោះឆ្នោតសម្រាប់ការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣

June 1, 2023 - by Sim Sopheak

ថ្ងៃព្រហស្បតិ៍ ១៣កើត ខែជេស្ឋ ឆ្នាំថោះ បញ្ចស័ក ព.ស ២៥៦៧ ភ្នំពេញ ថ្ងៃទី១ ខែមិថុនា ឆ្នាំ២០២៣ សេចក្តីថ្លែងការណ៍រួម សូមធានាសិទ្ធិបោះឆ្នោត និងសិទ្ធិឈរឈ្មោះឱ្យគេបោះឆ្នោតសម្រាប់ការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ យើងខ្ញុំ ជាក្រុមអង្គការសង្គមស៊ីវិល សមាគម និងសហជីព ដូចមានរាយនាមខាងក្រោម មានការសោកស្តាយយ៉ាងខ្លាំង ចំពោះការបាត់បង់សិទ្ធិចូលរួមប្រកួតប្រជែងរបស់គណបក្សមហាសាមគ្គីជាតិខ្មែរ និងគណបក្សភ្លើងទៀន ក្នុងការបោះឆ្នោតជ្រើសតាំងតំណាងរាស្រ្តនីតិកាលទី៧ ដែលគ្រោងធ្វើនៅថ្ងៃទី២៣ ខែកក្កដា ឆ្នាំ២០២៣ ខាងមុខ ដោយសារតែនីតិវិធីបំពេញបែបបទ …

បើកវគ្គបណ្តុះបណ្តាលស្តីពី “អំពើជួញដូរមនុស្ស កេងប្រវ័ញ្ជកំលាំងពលកម្ម និងសុវត្តិភាពចំណាកស្រុក”

May 31, 2023ឧសភា 31, 2023 - by Sim Sopheak

សមាគមការពារសិទ្ធិមនុស្សអាដហុក ប្រចាំខេត្តកំពង់ចាម និងត្បូងឃ្មុំបានបើកវគ្គបណ្តុះបណ្តាលស្តីពី “អំពើជួញដូរមនុស្ស កេងប្រវ័ញ្ជកំលាំងពលកម្ម និងសុវត្តិភាពចំណាកស្រុក” រយៈពេលពេញមួយថ្ងៃ នៅភូមិ ត្រពាំងព្រីង ឃុំត្រពាំងព្រីង ស្រុកតំបែរ ខេត្តត្បូងឃ្មុំ នាថ្ងៃទី២៨ ខែឧសភា ឆ្នាំ២០២៣។ ក្នុងវគ្គនេះមានអ្នកចូលរួមចំនួន ៣០នាក់ដែលបានជ្រើសរើសពីវគ្គផ្សព្វផ្សាយស្តីពី ទេសន្តប្រវេសន៏ និងសុវត្តិភាពចំណាកស្រុកកន្លងមក ហើយចំនួនអ្នកចូលរួមនេះត្រូវបានកំណត់ក្នុងគោលបំណង ដើម្បីផ្តល់ចំណេះដឹងសម្រាប់សហគមន៍ស្វែងយល់ពីកិច្ចការពារអំពើជួញដូរមនុស្ស កេងប្រវ័ញ្ជកម្លាំងពលកម្ម និងសុវត្តិភាពចំណាកស្រុក នៅកម្ពុជា និងធ្វើយ៉ាងណាឲ្យប្រជាពលរដ្ឋមានសុវត្តិភាព ដើម្បីជំរុញ និងលើកទឹកចិត្តឲ្យប្រជាពលរដ្ឋសិក្សាស្វែងយល់អំពីច្បាប់ជួញដូរ រំលោភសេពសន្ថវៈ ល្បិចមេខ្យល់ ការជួញដូរមនុស្ស …

បើកវគ្គផ្សព្វផ្សាយស្តីពី “ការទប់ស្តាត់ការរៀបការវ័យក្មេង និងហិង្សាផ្អែកលើយ៉េនឌ័រ”

May 30, 2023ឧសភា 30, 2023 - by Sim Sopheak

គម្រោងការការពារ និងទប់ស្កាត់ការបង្ខំរៀបការវ័យក្មេង នៃសមាគមអាដហុក តាមរយៈភ្នាក់ងារជំនួយអាមេរិក USAID ប្រចាំនៅកម្ពុជាបានបើកវគ្គផ្សព្វផ្សាយស្តីពី “ការទប់ស្តាត់ការរៀបការវ័យក្មេង និងហិង្សាផ្អែកលើយ៉េនឌ័រ” បានប្រព្រឹត្តទៅក្នុងភូមិចំនួន ៤ គឺភូមិប៉ាជន់ធំ ប៉ាអរ អូម និងភូមិក្រូច ក្នុងឃុំឯកភាព ស្រុកអូរជុំ ខេត្តរតនគិរី ក្នុងខែ ឧសភា ឆ្នាំ២០២៣។