ដោយមានកិច្ចសហការ រវាងសមាគមអាដហុកជាមួយស្ថានទូតកម្ពុជាប្រចាំនៅប្រទេសម៉ាឡេស៊ី ពលការិនី២នាក់ ដែលមានឈ្មោះ ១. អ ហ ភេទស្រី អាយុ៣៣ឆ្នាំ និងឈ្មោះ ហ សនអាយុ២៦ឆ្នាំ រស់នៅភូមិមេសាង ឃុំព្រៃរំដេង ស្រុកមេសាង ខេត្តព្រៃវែង ត្រូវបានជួយសង្រ្គោះ។
ពលការិនីរងគ្រោះទាំង២នាក់ បានចេញទៅធ្វើការតាមរយៈក្រុមហ៊ុន ១៦៨ មែនផៅរ័រ សិបផ្លាយ ខូ អិល ធី ឌី កាលពីថ្ងៃទី២២ ខែកក្កដា ឆ្នាំ២០១៥ តាមច្រកប្រទេសថៃ ។បន្ទាប់ពីទៅដល់ ប្រទេសម៉ាឡេស៊ីទើបដឹងថា ពួកខ្លួនត្រូវគេយកទៅលក់ ទើបសំរេចចិត្តរត់គេចខ្លួន រហូតដល់ត្រូវបានប៉ូលីសចាប់ខ្លួន ដាក់ពន្ធនាគារនៅប៉ាឡាន់តិច ។ ក្រោយពីគ្រួសារជនរងគ្រោះបានមកស្នើសុំអន្តរាគមន៍ពីសំណាក់សមាគមអាដហុកប្រចាំខេត្តព្រៃវែង ។ សមាគមអាដហុកបានធ្វើអន្តរាគមន៍ទៅក្រសួងការបរទេស និងសហប្រត្តិបត្តិការអន្តរជាតិ ក៏ដូចជាអន្តរាគមន៍ដោយផ្ទាល់ទៅស្ថានទូតកម្ពុជាប្រចាំនៅប្រទេសម៉ាឡេស៊ី ទើបពលការិនីរងគ្រោះទាំងពីរនាក់ត្រូវបានជួយសង្រ្គោះ ហើយនិងវិលត្រឡប់តាមជើងយន្តហោះ Air Asia មកដល់ប្រទេសកម្ពុជា នៅថ្ងៃទី២២ ខែកុម្ភៈ ឆ្នាំ២០១៦វេលាម៉ោង១៦រសៀលខាងមុខនេះ ។
ពត៌មានលំអិតទំនាក់ទំនង
អ្នកស្រី ឆន សុគន្ធា ប្រធានផ្នែកស្រ្តី និងកុមារសមាគមអាដហុក ០១២៣៤៤៧១៩/០១៦៨៧៣ ២០៩
