សេចក្ដី​ថ្លែងការណ៍​រួម ទម្លាក់​ចោលរាល់​ការចោទប្រកាន់​​ និងដោះលែង តំណាង​សហគមន៍ដីធ្លី សកម្មជនការពារ​ព្រៃឈើ ធនធានធម្មជាតិ​ទាំងអស់

សេចក្ដី​ថ្លែងការណ៍​រួម
ទម្លាក់​ចោលរាល់​ការចោទប្រកាន់​​ និងដោះលែង
តំណាង​សហគមន៍ដីធ្លី សកម្មជនការពារ​ព្រៃឈើ ធនធានធម្មជាតិ​ទាំងអស់

ថ្ងៃច័ន្ទ១១កើត ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៥  ខែវិច្ឆិកា ​ឆ្នាំ២០២១

យើងខ្ញុំ​ទាំងអស់ ជាក្រុមអង្គការ​សង្គមស៊ីវិល​ សមាគម បណ្ដាញ សម្ព័ន្ធ សហជីព សហគមន៍មូលដ្ឋាន​ទាំងជនជាតិ​ដើម​ភាគតិច និងមែន​ភាគតិចដែល​មានរាយនាម​ដូចខាងក្រោម ​សូមសម្ដែង​ការសោកស្តាយ និងព្រួយបារម្ភ​យ៉ាងខ្លាំង ​ចំពោះការចោទ​ប្រកាន់ ការចាប់ និងឃុំខ្លួន​តំណាង​សហគមន៍​ដីធ្លី សកម្មជន​ការពារ​ព្រៃឈើ និងធនធាន​ធម្មជាតិ នាពេលថ្មីៗ​កន្លងមក​នេះ និងទទូច​ស្នើសុំឱ្យ​ទម្លាក់​រាល់ការ​រាល់ចោទ​ប្រកាន់ចោទ​ប្រកាន់ទាំង​ឡាយ និងដោះលែង​ពួកគេទាំង​នោះឱ្យ​មានសេរីភាព​វិញដោយ​ឥតលក្ខខ័ណ្ឌ។​

ក្នុងរយៈកាល​កន្លងមក​នេះ មានតំណាង​សហគមន៍​ដីធ្លី សកម្មជន​ការពារ​ព្រៃឈើ និងការពារ​ធនធាន​ធម្មជាតិ ជាច្រើននាក់​ត្រូវបានរង​ការចោទ​ប្រកាន់ និងចាប់​ឃុំខ្លួន យ៉ាង​អយុត្តិធម៌ ដោយពួក​គាត់គ្រាន់​តែប្រើប្រាស់​សិទ្ធិសេរីភាព​ស្របច្បាប់​ក្នុងការការពារ​ដីធ្លី ​ព្រៃឈើ និងធនធាន​ធម្មជាតិ ដោយ​សន្តិវិធី។

លោក ឆន ផល្លា ជាសកម្មជន​ការពារ​ព្រៃឈើដ៏​ឆ្នើមម្នាក់​ប្រចាំខេត្ត​រតនគិរី ដែល​បានធ្វើ​សកម្មភាព​យ៉ាងសកម្ម ក្នុងការពារ​ព្រៃឈើ ដីធ្លី របស់សហគមន៍​ជនជាតិដើម​ភាគតិច នៅឃុំសេដា ស្រុកលំផាត់ ខេត្តរតនៈគិរី ត្រូវបាន​សមត្ថកិច្ច​ចាប់ខ្លួន​កាលពី​ថ្ងៃទី២០ ខែកញ្ញា ឆ្នាំ២០២១ តាមដី​ការបង្គាប់​ឲ្យចាប់ខ្លួន​លេខ០៤/២០២១ ចុះថ្ងៃទី០៩ ខែកុម្ភៈ ឆ្នាំ២០២១ នៅពេលរូបលោក​ទៅពិនិត្យ​ឯកសារបោះឆ្នោត​នៅប៉ុស្តិ៍នគរបាល​រដ្ឋបាល​ឃុំសេដា ស្រុកលំផាត់ ខេត្តរតនគិរី ។ លោកត្រូវបាន​បញ្ជូនមក​ឃុំខ្លួនបណ្តោះ​អាសន្នក្នុង​ពន្ធនាគារ​ខេត្តរតនគិរី ដោយចោទ​ប្រកាន់ពីបទ កាប់គាស់ រុករានដីព្រៃ ឆ្កាដុត ឈូសឆាយ​ ដើម្បីយកដី​ព្រៃមក​ធ្វើជាកម្មសិទ្ធិ ​តាមប្បញ្ញត្តិ​មាត្រា៦២ ចំណុច១ ច្បាប់ស្តីពីតំបន់​ការពារធម្មជាតិ ។ ការចោទប្រកាន់​នេះ ធ្វើឲ្យមាន​ការប៉ះពាល់​យ៉ាងធ្ងន់ធ្ងរ​ដល់ការលះ​បង់កម្លាំង​កាយ កម្លាំងចិត្ត​របស់លោក និងជាការ​បំបាក់​ស្មារតី ដោយលោក​តែងតែ​ចេញមុខ​យ៉ាងសកម្ម ក្នុងការ​ចូលរួម​ការពារ​ព្រៃឈើ ដីសហគមន៍​ជនជាតិដើម​ភាគតិច និងការពារ​ធនធាន​ធម្មជាតិ នៅក្នុង​សហគមន៍​ឃុំសេដា ស្រុកលំផាត់ ​ខេត្តរតនៈគិរី ដើម្បីរក្សា​ទុកសម្រាប់​អ្នកជំនាន់​ក្រោយ ។

នៅថ្ងៃទី២៩ ខែកញ្ញា ឆ្នាំ២០២១ សាលាដំបូងខេត្ត​រតគិរីបាន​លើកយក​សំណុំរឿង របស់លោកឆន ផល្លា មកធ្វើការ​ជំនុំជម្រះ​ជាសាធារណៈ និងប្រកាស​សាលក្រម នៅព្រឹកថ្ងៃទី១០ ខែវិច្ឆិកា ឆ្នាំ២០២១ ដោយសម្រេច​ឲ្យរូបលោក​ត្រូវផ្តន្ទាទោស​ជាប់ពន្ធនាគារ​រយៈពេល ៥ឆ្នាំ ដោយមិន​មាន​ពិន័យជាប្រាក់ តាមមាត្រា៩៧ ចំណុច៦ ច្បាប់ស្តីពីព្រៃឈើ​ ។

ចំណែក​ករណីលោក ផុន ​សុផល តំណាង​សហគមន៍​ដីធ្លីឃុំជាំ​ក្រវៀន ស្រុកមេម៉ត ខេត្តត្បូងឃ្មុំត្រូវបាន​សមត្ថកិច្ច​ចាប់ខ្លួន​រូបលោក នៅចំនុចច្រក​ចូល​ក្រុមហ៊ុន យិះជៀ ស្ថិតនៅ​ឃុំរាម ស្រុកព្រៃនប់ ខេត្តព្រះសីហនុ ​កាលពី​ព្រឹកថ្ងៃពុធ ទី៣០ ខែធ្នូ ឆ្នាំ២០២០ បន្ទាប់​ពីរូបលោក ត្រលប់ពី​ចូលរួមកិច្ច​ប្រជុំឆ្លុះបញ្ជាំង​សកម្មភាព​ការងារ​ប្រចាំឆ្នាំ២០២០ ជាមួយសមាគម​សម្ព័ន្ធ​កសិករ​កម្ពុជា ដែលធ្វើ​ឡើងនៅ​សហគមន៍ថ្ម​ធំព្រែក​ត្របែក ភូមិអណ្តូង​ត្របែក ឃុំរាម ស្រុកព្រៃនប់ ខេត្តព្រះសីហនុ ។ ការចាប់ខ្លួន​នេះធ្វើឡើង​តាមរយៈ​ដីកាបង្គាប់​ឲ្យចាប់ខ្លួន​លេខ០៣ ចុះថ្ងៃទី២៨​ ខែធ្នូ​ ឆ្នាំ២០២០​​ ដោយចោទប្រកាន់​ពីបទសម​គំនិតក្នុង​អំពើញុះញង់​ឲ្យប្រព្រឹត្ត​ អំពើបង្កឲ្យមាន​ភាពវឹកវរធ្ងន់ធ្ងរ​ដល់សន្តិសុខសង្គម តាមប្បញ្ញត្តិ​មាត្រា៤៩៤ មាត្រា៤៩៥ នៃក្រមព្រហ្មទណ្ឌ​នៃព្រះរាជាណា​ចក្រកមក្ពុជា ដែលប្រព្រឹត្ត​តាម​បណ្តាញសង្គម​ហ្វេសប៊ុក ក្នុងភូមិសាស្ត្រខេត្តត្បូងឃ្មុំ កាលពីថ្ងៃទី២២ ខែសីហា ដល់ថ្ងៃទី២២ ខែតុលា ឆ្នាំ២០២០។​ លោកត្រូវបាន​នាំខ្លួនពីខេត្តព្រះសីហនុ ​មកឃុំខ្លួនបណ្តោះអាសន្ន ក្នុងពន្ធនាគារ​ខេត្តត្បូងឃ្មុំ កាលពីរសៀលថ្ងៃទី៣១ ខែធ្នូ ឆ្នាំ២០២០ ដោយមិន​បានផ្តល់ព័ត៌មាន​ដល់ក្រុមគ្រួសារ​របស់គាត់ ឱ្យស្រប​ទៅតាម​នីតិវិធីឡើយ​ ​ក្រោយមក​ទើបក្រុមគ្រួសារ​បានដឹងព័ត៌មាន​តាមរយៈ មន្ត្រីពន្ធនាគារ​ដែលបាន​ទាក់ទង​ទៅពួកគាត់ ។​

សំណុំរឿងរបស់ លោក ផុន សុផល ត្រូវបាន​សាលាដំបូង​ខេត្តត្បូងឃ្មុំ​ បើកស​វនាការ​ជាសាធារណៈ​កាលពីថ្ងៃទី១៩ ខែមករា ឆ្នាំ២០២១ ដោយសម្រេច​ផ្តន្ទាទោស ដាក់ពន្ធនាគារ​រយះពេល​១(មួយ)ឆ្នាំ និងពិន័យ​ជាប្រាក់​ចំនួន​២លានរៀល។ ដោយមិន​សុខចិត្ត​និងសេចក្តី​សម្រេច របស់​សាលាដំបូង​ខេត្តត្បូងឃ្មុំ ទើបរូប​លោកប្រគល់​ជូនមេធាវី​ក្នុងការធ្វើ​បណ្តឹងឧទ្ធរណ៍​មកសាលា​ឧទ្ធរណ៍​ខេត្តត្បូងឃ្មុំបន្ត ហើយនៅថ្ងៃទី១១ ខែតុលា ឆ្នាំ២០២១ ត្រូវបាន​សាលាឧទ្ធរណ៍​លើកយក​សំណុំរឿង​នេះមកសវនាកា​ជាសាធារណៈនិងបានប្រកាស​សាលដីកានៅ​ព្រឹកថ្ងៃទី២៦ ខែតុលា ឆ្នាំ២០២១ ដោយសម្រេចតម្កល់​សាលក្រម​សាលាដំបូង​ខេត្តត្បូងឃ្មុំ ទុកនៅ​ដដែល ។ លោក ផុន​សុផល ជាតំណាង​សហគមន៍​ដីធ្លីជាំក្រវៀន ខេត្តត្បូងឃ្មុំ តែងតែធ្វើ​សកម្មភាព ក្នុងការ​ជួយជ្រោមជ្រែង​ការពារសិទ្ធិដីធ្លី​ជូនប្រជាពលរដ្ឋ​ក្នុងសហគមន៍ និងតែងតែ​ឈឺឆ្អាល​ចូលរួម​តស៊ូមតិ​ដោយអហិង្សា ពីបញ្ហា​អយុត្តិធម៌​សង្គម និងព្រឹត្តិកាណ៍​សង្គមនានា ស្របតាម​ច្បាប់សិទ្ធិ​មនុស្សជាតិ និងអន្តរជាតិ ។

សំណុំរឿងរបស់លោក ចាន់ ធឿន ត្រូវបានចោទ​ប្រកាន់ពីបទ​ប៉ុនប៉ង​មនុស្សឃាត ពីជនល្មើស​កាប់ឈើ ​ប៉ាក យ៉ាងគួគឺ​ជាកូន​មេបញ្ជា​ការរង​កងរាជ​អាវុធហត្ថ​ខេត្តកំពង់ធំ និងជាឈ្មួញ​រកស៊ីឈើ​ដុះស្លែ នៅក្នុង​តំបន់​ព្រៃឡង់ បានដាក់ពាក្យ​បណ្ដឹង​លើសមាជិកសកម្ម​របស់បណ្តាញ​សហគមន៍​ព្រៃឡង់។ដោយមិន​សុខចិត្ត​និងសេចក្តី​សម្រេច របស់សាលា​ដំបូងខេត្ត​កំពង់ធំ ទើបរូបលោក​ប្រគល់ជូន​មេធាវីក្នុងការ​ធ្វើបណ្តឹង​ឧទ្ធរណ៍​មកសាលាឧទ្ធរណ៍​ខេត្តកំពង់​ធំបន្តទៀត។ លោក ចាន់ ធឿន ​ជាសមាជិក​សកម្មរបស់​បណ្ដាញ​សហគមន៍ព្រៃឡង់ ខេត្ដកំពង់ធំ គាត់បានចូល​រួមសកម្ម​ភាព​ការពារព្រៃឈើ ជាពិសេសការឃ្លាំ​មើលស្ថានភាព​ព្រៃឈើ​ក្នុងតំបន់​ព្រៃឡង់ និងសហគមន៍​ព្រៃឈើ។

សំណុំរឿងរបស់លោក ខេម សុឃី និងលោក សូ ថាល់ ជាសមាជិកបណ្ដាញ​សហគមន៍​ព្រៃឡង់ ខេត្ដព្រះវិហារ ត្រូវបានសាលា​ដំបូងខេត្ត​ព្រះវិហារ​ បើកសវនាការ​ជាសាធារណៈ ដោយ​សម្រេច​ផ្តន្ទាទោស ដាក់ពន្ធនាគារ​រយះពេល ៦ខែ(ប្រាំមួយ)ខែ និងពិន័យ​ជាប្រាក់​ចំនួន ៤លានរៀល។ ដោយមិនសុខ​ចិត្តនិងសេចក្តី​សម្រេច របស់សាលា​ដំបូងខេត្ត​ព្រះវិហារ ទើបរូប​លោកប្រគល់​ជូនមេធាវី​ក្នុងការ​ធ្វើបណ្តឹងមក​សាលាឧទ្ធរណ៍​ខេត្តត្បូង​ឃ្មុំបន្ត ទើបត្រូវ​បានសាលា​ឧទ្ធរណ៍លើកយក​សំណុំរឿង​នេះមក​សវនាកាជា​សាធារណៈ និងបានប្រកាស​សាលដីកា ដោយសម្រេច​តម្កល់សាល​ក្រមសាលា​ដំបូង​ខេត្តព្រះវិហារ​ទុកនៅ​ដដែល និងបន្ដប្ដឹង​ទៅតុលាការ​កំពូលបន្ដទៀត។ លោក ខេម សុឃី និងលោក សូ ថាល់ គឺជាសមាជិក​សកម្មរបស់​បណ្ដាញសហគន៍​ព្រៃឡង់ខេត្ដព្រះវិហារ បានចូលរួម​ការពារធនធាន​ធម្មជាតិ និងព្រៃឈើ​នៅតំបន់​ព្រៃឡង់។

ក្រៅពីករណី​ខាងលើនេះ ក្រុមយុវជនសកម្ម​ក្នុងការចូល​រួមការពារ​បរិស្ថាន ដែល​ត្រូវបាន​ដោះលែង​នាពេលថ្មីៗ​កន្លងមក​នេះ រួមមានលោក ថុន រដ្ឋា កញ្ញា ឡុង គន្ធា កញ្ញា ភួន ​កែវរស្មី លោក លី ច័ន្ទតារាវុធ លោក យឹម លាងហី កញ្ញា ស៊ុន រដ្ឋា ទាំងដាក់​ឲ្យស្ថិតក្រោម​ការត្រួត​ពិនិត្យ ដោយមិន​ទាន់មាន​ការទម្លាក់​ចោលរាល់​ការចោទ​ប្រកាន់នៅ​ឡើយ និងរួម​ទាំងសកម្មជន​សហគមន៍​ដីធ្លី ព្រៃឈើ ធនធាន​ធម្មជាតិដូចជា សមាជិក សកម្មជន​បណ្ដាញ​សហគមន៍​ព្រៃឡង់ នៅតាម​បណ្តា​ខេត្តនានា​ជាច្រើន​នាក់ផ្សេងទៀត ក៏ត្រូវរង​ការចោទ​ប្រកាន់ និងឃុំខ្លួន​ជាបន្តបន្ទាប់ ដោយគ្រាន់​តែចូលរួម​យ៉ាងសកម្ម​ក្នុងការ​អនុវត្តន៍សិទ្ធិ​របស់ពួក​គេដោយ​អហិង្សា ស្របតាម​រដ្ឋធម្មនុញ្ញ​នៃព្រះរាជា​ណា​ចក្រ​កម្ពុជា និងច្បាប់​អន្តរជាតិ ដែល​ប្រទេសកម្ពុជា​ជាហត្ថលេខី។

យើងខ្ញុំទាំង​អស់គ្នាជា​អង្គការសង្គម​ស៊ីវិល សមាគម បណ្ដាញ សម្ព័ន្ធ សហជីព សហគមន៍ សង្កេតឃើញថា​ មានការ​ធ្វើទុក្ខបុកម្នេញ​ពីសំណាក់​អាជ្ញាធរ ការចោទ​ប្រកាន់​ពីស្ថាប័ន​តុលាការ ការចាប់​ខ្លួនសកម្មជន​ដីធ្លី បរិស្ថាន អ្នកការពារ​ធនធាន​ធម្មជាតិ ជាច្រើននាក់ ដោយភាគ​ច្រើនពួក​គេត្រូវ​រងការ​ចោទ​ប្រកាន់ពី បទញុះញង់​ឲ្យប្រព្រឹត្ត​បទឧក្រិដ្ឋ​ជាអាទិ៍ ញុះញង់​ឲ្យមានភាព​វឹកវរធ្ងន់ធ្ងរ​ដល់​សន្តិសុខសង្គម និងបទ​ល្មើស​ផ្សេងៗ​ទៀត ដែលមាន​លក្ខណៈ​នយោបាយ ដើម្បីបំ​បិទសំឡេង​រិះគន់​របស់អ្នក​ទាំងនោះ ។

ចំពោះការការចាប់ និងឃុំខ្លួន សកម្មជន​សកម្មទាំង​អស់ខាង​លើនេះ គឺជា​ការគម្រាម​កំហែង បំភិត​បំភ័យ និងធ្វើទុក្ខបុក​ម្នេញ​ដោយ​ផ្ទាល់ និងប្រយោលចំពោះ សកម្មជន​បម្រើកិច្ចការ​សង្គម​ទូទាំង​ប្រទេស ដែលតែង​តែជួយ​ការពារ​សិទ្ធិពលរដ្ឋ​ក្នុងសហគមន៍ ការពារ​ព្រៃឈើ និងធនធាន​ធម្មជាតិ យ៉ាងសកម្ម ។

យើងខ្ញុំ​ទាំងអស់ ស្នើសុំឱ្យរាជ​រដ្ឋាភិបាល​ធានា​សិទ្ធិ​សេរីភាព​ជាមូលដ្ឋាន ជាពិសេស​សិទ្ធិសេរី​ភាពបញ្ចេញមតិ​ ការជួបជុំ និងសិទិ្ធ​សេរីភាព​ជាមូលដ្ឋាន​ផ្សេងទៀត ផ្អែកតាម​រដ្ឋធម្មនុញ្ញ ​និងច្បាប់សិទ្ធិ​មនុស្ស​អន្តរ​ជាតិ និងជា​ពិសេស​ស្នើសុំឱ្យ​ទម្លាក់ចោល​រាល់​ការចោទ​ប្រកាន់​ទាំងឡាយ​ដោយ​មិនមាន​លក្ខណ្ឌ ទៅលើ​សកម្ម​ជនសង្គម បរិស្ថាន និងដីធ្លី​ទាំងអស់ ដែលដោះ​លែងរួច​នាពេលថ្មីនេះ និងទទូច​ស្នើសុំឲ្យ​មានការដោះ​លែងសកម្មជន កំពុង​ជាប់ឃុំដែលរង​ការចោទ​ប្រកាន់​ទាំងអស់ នាពេល​កន្លងមក​ឱ្យពួក​គាត់មាន​សេរីភាពវិញ ដោយមិន​មានលក្ខណ្ឌ​ផងដែរ ដើម្បី​ឱ្យពួក​គាត់បាន​ជួបជុំក្រុម​គ្រួសារ និង​បានបន្ត រួមចំណែក​បម្រើក្នុង​ការជួយ​កិច្ចការងារ​សង្គម​បច្ចុប្បន្ន និងទៅ​អនាគត៕

សេចក្ដីថ្លែងការណ៍នេះ គាំទ្រដោយ ៖

១ សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា អាដហុក (ADHOC)

២ សមាគមសម្ព័ន្ធសហគមន៍កសិករកម្ពុជា (CCFC)

៣ សម្ព័ន្ធខ្មែរជំរឿន និងការពារសិទ្ធិមនុស្សលីកាដូ (LICADHO)

៤ មជ្ឈមណ្ឌលសិទ្ធិមនុស្សកម្ពុជា (CCHR)

៥ សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA)

៦ អង្គការវិទ្យាស្ថានប្រជាធិបតេយ្យកម្ពុជា (CID)

៧ គណ:កម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា (COMFREL)

៨ អង្គការកម្មវិធីអភិវឌ្ឍន៍ធនធានយុវជន(YRDP)

៩ មជ្ឍមណ្ឌលសម្ព័ន្ធភាពការងារ និងសិទ្ធិមនុស្ស (CENTRAL)

១០ សហព័ន្ធសហជីពកម្មករនិយោជិតវិស័យទេសចរណ៍កម្ពុជា CTWUF

១១ សហជីព​ទ្រទ្រង់​សិទ្ធិ​ការងារ​បុគ្គលិក​កម្មករ​ខ្មែរ​នៃ​ក្រុមហ៊ុន​ណាហ្គាវើល​ដ៏ ​(LRSU)

១២ សហព័ន្ធសហជីពកម្ពុជា (CATU)

១៣ សមាគមបណ្ដាញយុវជនកម្ពុជា (CYN)

១៤ អង្គការសមាគមធាងត្នោត (Sahmakum Teang Tnaut- STT)

១៥ អង្គការសម្ព័ន្ធភាពការពារសិទ្ធិមនុស្សកម្ពុជា ( CHRAC )

១៦ អង្គការគាំទ្របច្ចេកវិទ្យាជនបទក្នុងប្រទេសកម្ពុជា(RCTSO)

១៧ មជ្ឍមណ្ឌលប្រជាពលរដ្ឋដើម្បីអភិវឌ្ឍន៍សង្កម​ (PDP CENTER)

១៨ យុវកសិករដើម្បីសកម្មភាពសង្គម (YPS)

១៩ សម្ព័ន្ធភាពប្រជាជនដើម្បីអធិបតេយ្យភាពស្បៀងនៅអាស៊ី (PCFS-ASIA)?

២០ សម្ព័ន្ធកសិករអាស៊ី(APC)

២១ សមាគមសម្ព័ន្ធយុវជនបទកម្ពុជា(CYRA)

២២ អង្គការសមធម៌កម្ពុជា (EC)

២៣ អង្គការពន្លកខ្មែរ (PKH)

២៤ សម្ព័ន្ធដើម្បីសុចរិភាព និងគណនេយ្យភាពសង្គម (CISA)

២៥ អង្គការតម្លាភាពកម្ពុជា (TI Cambodia)

២៦ សមាគមកសិករដើម្បីឣភិវឌ្ឍនជីវភាព (FALD)

២៧ សមាគមមន្រ្តីរាជការឯករាជ្យកម្ពុជា​(CICA)

២៨ មជ្ឈមណ្ឌលអប់រំច្បាប់សម្រាប់សហគមន៍ (CLEC)

២៩ សម្ព័ន្ធជនជាតិដើមភាគតិចកម្ពុជា (CIPA ) និងសមាជិក ៣៧ ស្ថាប័ន បណ្ដាញ

៣០ សហគមន៍ដីធ្លីស្ពានឆេះ ខេត្តព្រះសីហនុ

៣១ សហគមន៍ដីធ្លីអូរកម្ពុជា ខេត្តព្រះសីហនុ

៣២ សហគមន៍ដីធ្លីព្រែកត្រែង ខេត្តព្រះសីហនុ

៣៣ សហគមន៍ដីធ្លីអណ្ដូងថ្ម ខេត្តព្រះសីហនុ

៣៤ សហគមន៍ដីធ្លីអូរត្រជាក់ចិត្ត ខេត្តព្រះសីហនុ

៣៥ សហគមន៍ដីធ្លីក្បាលហុងទឹក ខេត្តព្រះសីហនុ

៣៦ សហគមន៍ដីធ្លីអូរដំរី ខេត្តព្រះសីហនុ

៣៧ សហគមន៍ដីធ្លីថ្មធំ ខេត្តព្រះសីហនុ

៣៨ សហគមន៍ដីធ្លីអូរខ្សាច់ ខេត្តព្រះសីហនុ

៣៩ សហគមន៍ដីធ្លីកសិករអង្គស្វាយ ខេត្តកំពត

៤០ សហគមន៍កសិករកាពារសិទ្ធិដីធ្លីក្រុម១៧៥ ខេត្តកោះកុង

៤១ សហគមន៍កសិករកាពារសិទ្ធិដីធ្លីក្រុម១៩៧ ខេត្តកោះកុង

៤២ សហគមន៍កសិករកាពារសិទ្ធិដីធ្លីក្រុម៨៤៣ ខេត្តកោះកុង

៤៣ សហគមន៍កសិករកាពារសិទ្ធិដីធ្លីក្រុម១២៩ ខេត្តកោះកុង

៤៤ សហគមន៍កសិករកាពារសិទ្ធិដីធ្លីតានូន ខេត្តកោះកុង

៤៥ សហគមន៍កសិករក្រីក្រក្រុម៧៦៦ ខេត្តកោះកុង

៤៦ សហគមន៍កសិករកាពារសិទ្ធិដីធ្លីរស្មីសាមគ្គី ខេត្តកំពង់ស្ពី

៤៧ សហគមន៍កសិករកាពារសិទ្ធិដីធ្លីចំបក់ត្រាង ខេត្តកំពង់ស្ពី

៤៨ សហគមន៍កសិករកាពារសិទ្ធិដីធ្លីត្រពាំងជោរ ខេត្តកំពង់ស្ពី

៤៩ សហគមន៍កសិករកាពារសិទ្ធិដីធ្លីអមលាំង ខេត្តកំពង់ស្ពី

៥០ សហគមន៍សាមគ្គីរមាសហែក ខេត្តស្វាយរៀង

៥១ សហគមន៍សាមគ្គីមានជ័យ ខេត្តស្វាយរៀង

៥២ សហគមន៍សាមគ្គី ចេសមាស ខេត្តស្វាយរៀង

៥៣ សហគមន៍ដីធ្លីអណ្ដូងត្របែក  ខេត្តស្វាយរៀង

៥៤ សហគមន៍អភិរក្សព្រៃឈើកំពង់អំពិល ខេត្តស្វាយរៀង

៥៥ សហគមន៍កសិករប្រស្រែ ខេត្តព្រៃវែង

៥៦ សហគមន៍កសិករកុកតារៀ ខេត្តតាកែវ

៥៧ សហគមន៍កសិករកន្លែងខ្លា ខេត្តតាកែវ

៥៨ សហគមន៍កសិករភូមិកណ្តាល ខេត្តតាកែវ

៥៩ សហគមន៍កសិករត្រពាំងក្រសាំង ខេត្តតាកែវ

៦០ សហគមន៍កសិករសាមគ្គី ខេត្តតាកែវ

៦១ សហគមន៍កសិករដក់ពរ ខេត្តតាកែវ

៦២ សហគមន៍លើកស្ទួយសិទ្ធមនុស្ស និងដីធ្លី ខេត្តកណ្ដាល

៦៣ សហគមន៍តទល់ ខេត្តកណ្ដាល

៦៤ សហគមន៍ត្រើយស្លា ខេត្តកណ្ដាល

៦៥ សហគមន៍ភូមិខ្ញុំ ខេត្តកណ្ដាល

៦៦ សហគមន៍កសិករដីធ្លីសាមគ្គីបុស្ស ខេត្តព្រះវិហ៊ារ

៦៧ សហគមន៍ដីធ្លីសាមគ្គីសង្កែ២មានរិទ្ធ ខេត្តព្រះវិហ៊ារ

៦៨ សហគមន៍កសិករដីធ្លីជោគជ័យ ខេត្តព្រះវិហ៊ារ

៦៩ សហគមន៍ដីធ្លីអូររំដួល ខេត្តព្រះវិហ៊ារ

៧០ សហគមន៍ប្រមេ ខេត្តព្រះវិហ៊ារ

៧១ សហគមន៍ការពារដីធ្លីប្រើសក្អក ខេត្តព្រះវិហ៊ារ

៧២ សហគមន៍ដីធ្លីសំបូរ ខេត្តព្រះវិហ៊ារ

៧៣ សហគមន៍ឬស្សីស្រុក ខេត្តព្រះវិហ៊ារ

៧៤ សហគមន៍កាឡោត ខេត្តព្រះវិហ៊ារ

៧៥ សហគមន៍ព្រៃឈើភ្នំកេរ្តិ៍សាមគ្គី ខេត្តព្រះវិហ៊ារ

៧៦ សហគមន៍កសិករមូលដ្ឋាន ខេត្តត្បូងឃ្មុំ

៧៧ សហគមន៍យើងខ្ញុំ ខេត្តត្បូងឃ្មុំ

៧៨ សហគមន៍ខ្នងក្រពើលិច ខេត្តត្បូងឃ្មុំ

៧៩ សហគមន៍កំប្រើស ខេត្តត្បូងឃ្មុំ

៨០ សហគមន៍ត្រពាំងព្រីង ខេត្តត្បូងឃ្មុំ

៨១ សហគមន៍បុស្សស្នោរ ខេត្តត្បូងឃ្មុំ

៨២ សហគមន៍ប្រឡោះ ខេត្តត្បូងឃ្មុំ

៨៣ សហគមន៍ប្រម៉ា ខេត្តក្រចេះ

៨៤ សហគមន៍សំបុក ខេត្តក្រចេះ

៨៥ បណ្ដាញសហគមន៍ព្រៃឡង់ទាំងបួនខេត្ត