ព័ត៌មាន

ថ្ងៃអង្គារ ១៤កើត ខែមាឃ ឆ្នាំច សំរឹទ្ធិស័ក ព.ស ២៥៦២ រាជធានីភ្នំពេញ, ថ្ងៃទី១៩ ខែមីនា ឆ្នាំ២០១៩ អង្គការ សមាគម សហជីព សហគមន៍ និងប្រជាពលរដ្ឋខ្មែរមួយចំនួនមានការសោកស្តាយនិងព្រួយបារម្ភយ៉ាងខ្លាំងចំពោះសហភាពអឺរ៉ុបដែលចាប់ផ្តើមនីតិវិធីក្នុងការព្យួរបណ្តោះអាសន្ន​នូវប្រព័ន្ធអនុគ្រោះពន្ធ EBA ពីកម្ពុជា។ សហភាពអឺរ៉ុប បានសម្តែងការព្រួយបារម្ភចំពោះការធ្លាក់ចុះលទ្ធិប្រជាធិបតេយ្យ និងសិទ្ធិមនុស្ស ដែលរួមបញ្ចូលទាំងការបង្ក្រាបគណបក្សប្រឆាំង ប្រព័ន្ធផ្សព្វផ្សាយឯករាជ្យ និងលំហសង្គមស៊ីវិលក្នុងអំឡុងពេលបោះឆ្នោតសកលនាខែកក្កដា ឆ្នាំ២០១៨។ សហភាពអឺរ៉ុបបានក្រើនរំលឹកជារឿយៗដល់កម្ពុជា​ថាការគោរពសិទ្ធិសេរីភាពជាមូលដ្ឋានរបស់ពលរដ្ឋរួមទាំងសិទ្ធិការងារ គឺជាលក្ខខណ្ឌសំខាន់ក្នុងការទទួលបានប្រព័ន្ធអនុគ្រោះពន្ធខាងលើ។ ដើម្បីឆ្លើយតបនឹងការព្រួយបារម្ភយ៉ាងខ្លាំងអំពីការធ្លាក់ចុះលទ្ធិប្រជាធិបតេយ្យ ការគោរពសិទិ្ធមនុស្ស និងនីតិរដ្ឋនៅកម្ពុជា …