Author: ADHOC- Cambodia

តាងនាមឲ្យអ្នករៀបចំកម្មវិធី នៃសិក្ខាសាលា ដ៏មានសារសំខាន់នេះ ខ្ញុំសូមស្វាគមន៍យ៉ាងកក់ក្តៅ និងសូមថ្លែងអំណរគុណ ជាពន្លឹកដល់ឯកឧត្តម លោកជំទាវ អស់លោក លោកស្រី អ្នកនាង កញ្ញា ទាំង​អស់ដែលបាន ចំណាយពេលវេលា ដ៏មានតម្លៃមកចូលរួមសិក្ខាសាលា នាពេលពីរថ្ងៃនេះ។ សូមថ្លែង​អំណរគុណ ផងដែរដល់អាជ្ញាធរខេត្ តដែលបានចាត់តំណាង ឬអភិបាលរងខេត្ត មកចូល​រួមសិក្ខាសាលា​នេះ។ អស់រយៈពេលជិតម្ភៃឆ្នាំ មកហើយដែល ប្រទេសកម្ពុជា យើងបានអនុវត្តន៍ នូវប្រព័ន្ធនយោបាយ សេរីពហុបក្ស និងការគោរពសិទ្ធិមនុស្ស។ បើយើងធ្វើការប្រៀបធៀប ស្ថានភាពបច្ចុប្បន្នទៅនឹង ស្ថាន​ភាព ២០ឆ្នាំមុន យើងអាចមើលឃើញទិដ្ឋភាពជាច្រើន ដែលមានការផ្លាស់ប្តូរ រីកចំរើនច្រើន ប៉ុន្តែក៏​នៅមានទិដ្ឋភាពខ្លះ ទៀតដែលពុំសូវមាន ការវិវត្តន៍ រីកចំរើនប៉ុន្មានទេ។ ខ្ញុំនៅចាំបានថាកាល ពីជិត ២០ ឆ្នាំមុន គឺចុងឆ្នាំ ១៩៩២ នៅពេលដែល សមាគមអាដហុក បាន​បើកទីស្នាក់ការ របស់ខ្លួន នៅតាម បណ្តាខេត្ត ពេលនោះមាន ខេត្តមួយ មន្រ្តីខេត្ត បានប្រើប្រាស់ប៉ូលីស និង​យោធា​ជាង ១០០នាក់ និងរថពាសដែក មួយគ្រឿងមកគំរាម សកម្មជនរបស់យើង

មតិស្វាគមន៍ លោក ធន សារាយ ប្រធានសមាគមអាដហុក ក្នុងសិក្ខាសាលាស្តីពីសិទ្ធិមនុស្ស និងប្រជាធិបតេយ្យនៅកម្ពុជា Read More

នៅក្នុងសិក្ខាសាលា នាថ្ងៃទី៩ ខែមេសា ឆ្នាំ២០១២ លោក Jean-Francois Cautain ក្នុងនាម ប្រតិភូនៃសហភាពអឺរ៉ុប ប្រចាំព្រះរាជាណាចក្រកម្ពុជា បានមានប្រសាសន៍ នៅក្នុង សិក្ខាសាលា ថ្ងៃទី១ ថាសហភាពអឺរ៉ុប បានសហការយ៉ាងជិតស្និទ្ធ ​ជាមួយនឹងអង្គការ​ដៃគូ របស់ យើង គឺ សមាគមន៍អាដហុក ដើម្បីរៀបចំ អោយមានជាសិក្ខាសាលា នេះឡើង។ ដោយសហការជាមួយ នឹងរាជរដ្ឋាភិបាល កម្ពុជា និងសង្គមស៊ីវិល ជាដៃគូ សហភាពអឺរ៉ុប បានជួយឧបត្ថម្ភ​គាំទ្រ ជាបន្តបន្ទាប់​ដល់ សិក្ខាសាលា ស្រដៀងគ្នានេះ មួយចំនួន រួចមកហើយ ក្នុងរយៈពេលប៉ុន្មាន​ឆ្នាំមកនេះ ដែលជាផ្នែកមួយ នៃការរួម ចំណែក​របស់យើងក្នុងការ ជួយដល់ការ ខិតខំប្រឹងប្រែង របស់កម្ពុជា​ ដើម្បីកសាងសង្គម​ប្រជាធិបតេយ្យមួយ ហើយយើង​នឹង បន្ត​ធ្វើកិច្ចការនេះ ជាមួយគ្នា តទៅ មុខទៀត! ភាពជាដៃគូ ការជួបសន្ទនា ​ដោយន័យ​ស្ថាបនា និងការគោរពគ្នា ​ទៅវិញទៅមក រវាងតួអង្គសំខាន់ៗ

សុន្ទរកថា របស់ លោក Jean-Francois Cautain ឯកអគ្គរដ្ឋទូតសហភាពអឺរ៉ុប ក្នុង សិក្ខាសាលា​ស្ដីពី សិទ្ធិមនុស្ស និងលទ្ធិប្រជាធិបតេយ្យ Read More

សមាគម ការពារសិទ្ធិមនុស្ស អាដហុក បានរៀបចំ សិក្ខាសាលា មួយ ក្រោមប្រធានបទ សិទ្ធិមនុស្ស និង លទ្ធិប្រជាធិបតេយ្យ នៅកម្ពុជា ក្រោមការឧបត្ថម គាំទ្រដោយ សហភាពអឺរ៉ុប ប្រចាំនៅកម្ពុជា។ សិក្ខាសាលា រយៈពេល ២ថ្ងៃ ដែលចាប់ផ្ដើម ពីថ្ងៃទី៩ ដល់ ថ្ងៃទី១០ ខែមេសា ឆ្នាំ២០១២ បានផ្ដោតការយកចិត្ត ទុកដាក់ទៅ លើការវិវឌ្ឍន៍ សិទ្ធិមនុស្ស និងលទ្ធិប្រជាធិបតេយ្យ នៅកម្ពុជា និងក៏ផ្ដោតសំខាន់ទៅលើ ការសិក្សា និងរិះរក នូវយន្តការ ថ្មីៗ សំរាប់ កែលំអរ នូវ ស្ថាប័ន មួយចំនួនដែល មិនទាន់មានដំណើរការល្អ នៅឡើយនោះ។

សិក្ខាសាលាស្ដីពី សិទ្ធិមនុស្ស និងលទ្ធិប្រជាធិបតេយ្យ Read More

ឆ្នាំ ២០១១ ជាឆ្នាំដែលមាន​ការផ្តល់សម្បទានដីសេដ្ឋកិច្ច​​​​​ ជាច្រើន​រហូតដល់កាត់ដី ​ចេញពី​ឧទ្យាន​ជាតិ ​​ពី​តំបន់​​ ការពារ​សត្វនិងរុក្ខជាតិ តាមរយៈការធ្វើអនុប្បយោគ ពីដីកម្ម​សិទ្ធិ សាធារណៈ​របស់​រដ្ឋ មក​ជា​ដី​កម្មសិទ្ធិឯកជន របស់រដ្ឋ។ ក្នុងឆ្នាំ ២០១១ នេះ រាជរដ្ឋាភិបាល បានចេញ អនុក្រឹត្យចំនួន ១២៣ អនុក្រឹត្យ​ ដើម្បីផ្តល់ សម្បទានដីសេដ្ឋកិច្ច ទៅអោយក្រុមហ៊ុនឯកជន ដែលមានផ្ទៃដីចំនួន ៧៥១,៨៨២ ហិកតា។

ក្នុងចំនួន នេះ ផ្ទៃដីជាង ២/៣ បានកាត់ចេញពី ដីការពារដោយ ព្រះរាជក្រឹត្យ ហើយមានដីតែ ២១៩,៤២៥ ហិកតា ប៉ុណ្ណោះ ដែលមិនប៉ះពាល់ ដីការពារដោយព្រះរាជក្រឹត្យ។ តួលេខ​នេះបញ្ជាក់ អោយ​ឃើញ ច្បាស់ថា នៅប្រទេសកម្ពុជា ពុំមានដីទំនេរ ​ច្រើនទៀត​ទេ ​សំរាប់ផ្តល់​ ​សម្បទានដី​សេដ្ឋកិច្ច ដល់​ក្រុម​ហ៊ុនឯកជន។ ការផ្តល់ សម្បទានដីសេដ្ឋកិច្ច ដ៏ច្រើននេះ ក៏ជាមូល​ហេតុ​ដ៏ចម្បងផងដែរ ដែលបង្ក​អោយមាន ទំនាស់ដីធ្លី នាពេលបច្ចុប្បន្ន និងទៅបណ្តា ឆ្នាំខាងមុខៗ ទៀត។
គិតមកទល់នឹង ឆ្នាំ២០១១ នេះ រាជរដ្ឋាភិបាល បានផ្តល់ សម្បទានដីសេដ្ឋកិច្ច ប្រមាណ ២,២៧៦,៣៤៩ ហិកតា ទៅដល់ក្រុមហ៊ុន ចំនួន ២២៥ ក្រុមហ៊ុន តាមរយៈ ក្រសួងកសិកម្ម រុក្ខាប្រមាញ់ និង​នេសាទ និងតាមរយៈ អនុក្រឹត្យ ផ្តល់សម្បទានដីសេដ្ឋកិច្ច ពីប្រមុខរាជរដ្ឋាភិបាល

របាយការណ៍ សិទ្ធិដីធ្លី និងលំនៅដ្ឋាន ឆ្នាំ២០១១ Read More

Financial Partners Read More

នៅថ្ងៃទី២៨ ខែកុម្ភៈ ឆ្នាំ២០១២ វេលាម៉ោង៩ និង៣០នាទីព្រឹក សមាគមអាដហុក​បានពាំនាំយកអំណោយសម្បុរសធម៌ពីប្រទេសកាណាដា ទៅចែកជូនប្រជា​ពលរដ្ឋរងគ្រោះ​ដោយ​ទឹកជំនន់ និង​ជនក្រីក្រ​បំផុតចំនួន៣៣៤គ្រួសារ ដែលរស់នៅ​ក្នុងឃុំ​ដង​កាំបិត ស្រុក​សណ្តាន់ ខេត្ត​កំពង់ធំ​ ដែលជា​តំបន់ជាប់​ព្រៃឡង់ ។ តំបន់ដែលសមាគមអាដហុក បានសម្រេចយកអំណោយទៅចែក​ជូននេះ ​គឺជាកន្លែងរងគ្រោះដោយទឹកជំនន់មួយក្នុង​ចំណោម​កន្លែងទទួលរងគ្រោះធ្ងន់ធ្ងរនៅ​ក្នុង​ខេត្តកំពង់ធំ​​ ។ ការផ្តល់អំណោយជូននេះ គឺជាការផ្តល់បន្ថែមរបស់សមាគមអាដហុក​ទៅដល់ក្រុមប្រជាពលរដ្ឋមួយចំនួនធ្លាប់បាន​ទទួល អំណោយ​លើកដំបូងពីរដ្ឋាភិបាល​តែគាត់​នៅ​មានស្ថានភាពធ្ងន់ធ្ងរក្រោយ​ទឹកជំនន់ និងអ្នក ខ្លះមិនដែលទទួលបានសោះ ដោយ​សារការខ្វះ​ចន្លោះនេះ សមាគមបានធ្វើការបំពេញបន្ថែម​សម្រាប់ចែកជូនដល់ពួកគាត់ ​។ សូមបញ្ជាក់ថា និតិវិធីក្នុងការស្រាវជ្រាវលក្ខខណ្ឌ នៃការបាន ទទួល​អំណោយនេះ សមាគមបានចុះអង្កេតដល់មូលដ្ឋានដោយជួបប្រាស្រ័យផ្ទាល់ជាមួយ ប្រជាពលរដ្ឋ ដើម្បីចង្អុលបង្ហាញពីអ្នកក្រីក្រក្នុងមូលដ្ឋានរបស់គេក្នុងភូមិនីមួយៗ ។

សមាគមអាដហុកចុះចែកអំណោយជូនប្រជាពលរដ្ឋរងគ្រោះដោយទឹកជំនន់ ចំនួន៥ភូមិ ក្នុងឃុំដងកាំបិត ស្រុកសណ្តាន់ ខេត្តកំពង់ធំ កាលពីថ្ងៃទី២៨ ខែកុម្ភៈ ឆ្នាំ២០១២ Read More

រដ្ឋាភិបាលបានខិតខំយកចិត្តទុកដាក់លើកកំពស់សិទ្ធិស្ត្រី កុមារ​ និងគោល​នយោបាយ ​សមភាព យិនឌ័រ ជាពិសេសបង្កើតច្បាប់ ស្តីពីការទប់ស្កាត់ អំពើហិង្សា ក្នុងគ្រួសារ និងកិច្ចការពារ​ជនរងគ្រោះ ច្បាប់ ស្តីពីការបង្រ្កាប អំពើជួញដូរមនុស្ស និងអំពើ ធ្វើអាជីវកម្ម ផ្លូវភេទ ដើម្បី​ធានានូវ ការ​គោរព សិទ្ធិមនុស្ស សិទ្ធិកុមារ និង​សមភាពយិនឌ័រ​ ។ គោលនយោបាយ លើកកំពស់សិទ្ធិស្ត្រី កុមារ និង យិនឌ័រត្រូវបានចែង នៅក្នុងផែនការ អភិវឌ្ឍន៍ជាតិ​ ដែលជាការបង្ហាញ នូវឆន្ទៈ របស់រាជ រដ្ឋាភិបាល ក្នុងការធានា នូវ​ការគោរព សិទ្ធិមនុស្ស ។ ទោះបីជា យ៉ាងណាក៍ដោយ ក៍ស្ថានភាព សិទ្ធិស្រ្តី និងកុមារ នៅប្រទេសកម្ពុជា ក្នុងឆ្នាំ ២០១១ នៅតែ​មិនទាន់បានល្អប្រសើរ ​នៅ​ឡើយ បើតាមការសង្កេត របស់សមាគមអាដហុក ។

របាយការណ៍ស្ថានភាពអំពើហឹង្សាលើស្រ្តីនិងកុមារ ក្នុងឆ្នាំ​២០១១ Read More