Author: ADHOC- Cambodia

សមាគមការពារសិទ្ធិមនុស្ស អាដហុក ថ្កោលទោស ចំពោះការប្រើប្រាស់ អំពើហិង្សា រវាងកងកម្លាំង ប្រដាប់អាវុធ កងសន្តិសុខ ខណ្ឌដូនពេញ ដែលមាន ដំបងឈើគ្រប់ដៃ និង ក្រុមបាតុករ មួយចំនួន នៅលើស្ពាននាគ ក្បែរទីលានប្រជាធិបតេយ្យ នៅព្រឹកថ្ងៃទី១៥ ខែកក្កដា ឆ្នាំ២០១៤ ដែលជា ការធ្វើអោយ មានការប៉ះពាល់ដល់ សេរីភាព បញ្ចេញមតិ ដោយសន្តិវិធី ដែលធានាដោយរដ្ឋធម្មនុញ្ញ។ នៅព្រឹកថ្ងៃទី១៥ ខែកក្កដា ឆ្នាំ២០១៤ លោកស្រី មួរ សុខហួរ និង អ្នកតំណាងរាស្រ្ត ជាប់ឆ្នោត របស់គណបក្ស សង្គ្រោះជាតិ បានដឹកនាំ ធ្វើបាតុកម្ម ដោយសន្តិវិធី នៅលើស្ពាននាគ ក្បែរទីលានប្រជាធិបតេយ្យ ដើម្បីទាមទា អោយ មានការបើក ទីលានប្រជាធិបតេយ្យ ឡើងវិញ ដើម្បីអោយ ប្រជាពលរដ្ឋ បានប្រើប្រាស់ សិទ្ធិសេរីភាព របស់ពួកគេ ដែលធានាដោយ រដ្ឋធម្មនុញ្ញ។ ក្នុងការធ្វើបាតុកម្ម ដោយសន្តិវិធីនេះ អាជ្ញាធរ ក្រុងភ្នំពេញ បានប្រើប្រាស់ កម្លាំងសន្តិសុខ​ ខុសច្បាប់ និងកម្លាំង ប្រដាប់អាវុធ ដូចសព្វមួយដងដែរ ដើម្បី វាយបង្ក្រាប ទៅលើ ក្រុមបាតុករ អហិង្សា។ ការប្រើអំពើហិង្សា រវាង កងសន្តិសុខ ខណ្ឌដូនពេញ ដោយមានការ ជួយគាំទ្រ ពីកងកម្លាំង ប្រដាប់អាវុធរបស់ រដ្ឋាភិបាល បានធ្វើអោយ ក្រុមបាតុករ ប្រមាណជាជាង ១០ នាក់ និង ក្រុមសន្តិសុខខណ្ឌ ដូនពេញ ចំនួន៦ នាក់ រងរបួស។ សមាគមការពារសិទ្ធិមនុស្ស អាដហុក មិនគាំទ្រដាច់ខាត នូវរាល់សកម្មភាពទាំងឡាយ ដែលជាហេតុនាំ​ អោយមានអំពើហិង្សា បើទោះបីជា អ្នកដែល ប្រើអំពើហិង្សានោះ ជាសមាជិក ក្រុមណាក៏ដោយ។

សេចក្ដីថ្លែងការណ៍ ការប្រើអំពីហិង្សា ធ្វើអោយប៉ះពាល់ សេរីភាពបញ្ចេញមតិ Read More

សមាគមការពារសិទ្ធិមនុស្ស អាដហុក ថ្កោលទោស ចំពោះការប្រើប្រាស់កម្លាំង ខុសច្បាប់ ម្ដងហើយ ម្ដងទៀត ដោយអាជ្ញាធរក្រុងភ្នំពេញ ដើម្បីបំផ្លាញញសេរីភាព បញ្ចេញមតិ របស់ប្រជាពលរដ្ឋ ដែលធានាដោយ រដ្ឋធម្មនុញ្ញ។

នៅព្រឹកថ្ងៃទី៨ ខែកក្កដា ឆ្នាំ២០១៤ ម៉ោងប្រហែលជា ៩ព្រឹក ក្រុមយុវជន ព្រះសង្ឃ និងតំណាងរាស្រ្តជាប់ឆ្នោត គណបក្សសង្គ្រោះជាតិ ប្រមាណជា១០០ អង្គ/នាក់ បានធ្វើបាតុកម្មដោយអហិង្សា មួយនៅខាងមុខ ស្ថានទូត វៀតណាម នៅទីក្រុងភ្នំពេញ ដើម្បីទាមទាអោយ អ្នកនាំពាក្យ ស្ថានទូតនេះ ធ្វើការសុំទោស ជាសាធារណៈ អំពី អ្វីដែលអ្នកនាំពាក្យរូបនេះបាន និយាយជាសាធារណៈ នាពេលកន្លងមកថា ទឹកដីកម្ពុជាក្រោមជាទឹកដីប្រទេស វៀតណាមតាំងពីដើមមក មិនមែនបានមកពីការកាត់ទឹកដីអោយដោយបារាំង នៅថ្ងៃទី៤ ខែមិថុនា ឆ្នាំ១៩៤៩ នោះទេ។

សេចក្ដីថ្លែងការណ៍ សេរីភាពបញ្ចេញមតិត្រូវបានបង្ក្រាបដោយកម្លាំងខុសច្បាប់ Read More

សមាគម​អាដហុក ការពារ​សិទ្ធិ​មនុស្ស និងអភិវឌ្ឍន៍​នៅកម្ពុជា (អាដហុក)​គឺជាអង្គការ​ក្រៅ​រដ្ឋា​ភិបាល ឯករាជ្យ-​អព្យាក្រឹត មិន​រកផល​ចំណេញ និងមិន​ស្ថិតក្រោម​ការ​ឃុំ​គ្រង​របស់​គណបក្ស​នយោបាយ​ណាមួយ ហើយ​ធ្វើការ​ដើម្បី​ស្ថាបនា​ឱ្យ​មាន​ឡើង​វិញ​នូវសិទ្ធិ សេរីភាព​ជាមូលដ្ឋាន តាមរយៈ​ការបង្កើន​ចំណេះ​ដឹងផ្នែក​សិទ្ធិមនុស្ស និងច្បាប់​ដល់​ប្រជាពលរដ្ឋ ធ្វើយ៉ាង​ណាឱ្យ​គាត់​យល់​អំពី​សិទ្ធិមនុស្ស និងចេះ​ការពារ​សិទ្ធិដោយ​ខ្លួនឯង។ សមាគម​អាដហុក​ ត្រូវបាន​បង្កើត​ឡើងនៅ​ចុងឆ្នាំ១៩៩១ ដែលមាន​ការិយាល័យ​កណ្តាល​នៅទីស្នាក់​ការ​ភ្នំពេញ និង​ការិយា​ល័យខេត្ត-​រាជធានី​ចំនួន​២២​ទៀត។ យោងតាម ​តំរូវការ​ជាចាំ​បាច់​របស់សមាគម​នៅក្នុង​ពេលបច្ចុប្បន្ន​នេះ សមាគម​អាដហុក សូមជូន​ដំណឹង​ដល់សាធារណជន​ទាំងអស់ ឱ្យបាន​ជ្រាបថា សមាគម​ត្រូវការ​ជ្រើសរើស​បុគ្គលិកចំនួន ០១រូប ដែល​មាន​សមត្ថភាព​សំរាប់​បំរើការ​ងារ​ជាបុគ្គលិក​អង្កេត​កម្មវិធីស្រ្តី និងកុមារ​ប្រចាំ​ខេត្ត​បាត់ដំបង។ ១–បុគ្គលិក​អង្កេត​ផ្នែកស្ត្រី និងកុមារ (ប្រាក់បៀវត្សរ៍​ចាប់ពី២២៥ដុល្លារ) ភារកិច្ច …

ជ្រើសរើសបុគ្គលិកអង្កេតកម្មវិធីស្រ្តី និងកុមារប្រចាំខេត្តបាត់ដំបង Read More

សមាគមការពារសិទ្ធិមនុស្ស អាដហុក សូមថ្កោលទោសចំពោះ សាលាដំបូងរាធានីភ្នំពេញ ការមិនអនុញ្ញាត អោយ លោក វន ពៅ និងតំណាងកម្មករចំនួន ២០នាក់ផ្សេងទៀត ដែលតុលាការ សាលារាជធានីភ្នំពេញ និង សាលាឧទ្ធរណ៍ មិនព្រមអនុញ្ញាត អោយនៅក្រៅឃុំជាបណ្ដោះអាសន្ន នោះ។ ការមិនអនុញ្ញាតអោយ ជនជាប់ចោទ ដែលមិនបានប្រព្រឹត្តិបទល្មើស របស់តុលាការ សាលាឧទ្ធរណ៍ នាពេលកន្លងមក ក៏ដូចជា ការសំរេចរបស់ តុលាការ សាលាដំបូងរាជធានីភ្នំពេញ នៅថ្ងៃទី៤ ខែមេសា ឆ្នាំ២០១៤ ដែលជាការបើកសវនាការ លោកទី៣ ទៅលើសំណើសុំរបស់មេធាវី ដែលស្នើសុំអោយ លោក វន ពៅ និង តំណាងកម្មករ ២០នាក់ផ្សេងទៀតនេះ ជាការបង្ហាញ អោយឃើញថា តុលាការកម្ពុជា មិនបានអនុវត្តតាមស្មារតីច្បាប់ដែលមានជាធរមាននោះទេ។ ការចាប់ និងឃុំខ្លួន លោក វន ពៅ និង កម្មករចំនួន ២០នាក់ សមាគអាដហុក បានតាមដានយ៉ាងយកចិត្តទុកដាក់ និងបានផ្ដល់មេធាវី ដល់ជនរងគ្រោះ ចំនួន១៥ នាក់ ក្នុងចំណោម ជនរងគ្រោះដែលនៅជាប់ឃុំ ២១នាក់។ យោងតាមការសង្កេតតាមដាន ទៅលើដំណើរការនៃសវនាការ នៅថ្ងៃទី៤ ខែមេសា ឆ្នាំ២០១៤ ទៅលើសំណុំរឿង ខានលើនេះ សមាគអាដហុក កត់សំគាល់ឃើញថា តុលាការសាលាដំបូងរាជធានីភ្នំពេញ កំពុងអនុវត្តខុសច្បាប់៖

សេចក្ដីថ្លែងការណ៍ ការមិនដោះលែង លោក វន ពៅ និង កម្មករ ២០នាក់ទៀត ជាការរំលោភច្បាប់ Read More

អង្គការការពារសិទិ្ធមនុស្ស និងអភិវឌ្ឍន៍នៅកម្ពុជា ហៅកាត់ថា(អាដហុក) ដែលមាន​សាខាចំនួន២៤​ រាជធានីខេត្ត មានបេសកកម្ម តាមឃ្លាំមើលសិទិ្ធមនុស្ស និង​ធនធានធម្មជាតិ នៅកម្ពុជា សម្តែងនូវការព្រួយបារម្ភ​ជាខ្លាំងចំពោះ​ការប្រព្រឹត្ត​បទល្មើសព្រៃឈើ ក្នុងប្រទេសកម្ពុជា នៅតែបន្តកើតមាន ក្រោមរូបភាព​ នៃការផ្ដល់ អាជ្ញាប័ណ្ណ សម្បទាន ស្របច្បាប់ ទៅអោយ​ក្រុមហ៊ុន ធ្វើសកម្មភាព ក្នុងការកាប់ឈើ ក្នុងតំបន់ សម្បទានដីសេដ្ឋកិច្ច គ្មាន​ការត្រួពិនិត្យ ទៅលើការ ធ្វើអាជូវកម្ម កែឆ្នៃគ្រឿងសង្ហារឹម តាមរយៈ​នៃការជួល​ឬលើកទឹកចិត្ត​ឲ្យ​ប្រជាពលរដ្ឋ​ចូលទៅកាប់ព្រៃឈើ នៅតាមបណ្តាលតំបន់មួយចំនួនដែលមានព្រៃឈើ នៅសេសសល់តិចតួច។

សេចក្តីថ្លែងការណ៍ ប្រទេសកម្ពុជា គឺ ជាប្រទេស មួយកាប់បំផ្លាញ និង ដឹកជញ្ជូនឈើ ខុសច្បាប់ Read More